راولپنڈی (سٹاف رپورٹر) سو ل ایوی ایشن کے مطابق ائرپورٹس کی نجکاری کے حوالے سے بیان کئے گئے حقائق حقیقت کے برعکس ہیں۔ پاکستان سول ایویشن اتھارٹی کے کسی بھی ائرپورٹ کی نجکاری نہیں کی جا رہی، حکومت ملک کے ائرپورٹس کا معیار عالمی سطح پر لا کر اس کا فائدہ عوام کو پہنچانا چاہتی ہے۔ آئوٹ سورسنگ کا مقصد مسافروں کو ملکی ائرپورٹس پر اعلی معیار کی بین الاقوامی سہولیات فراہم کرنا ہے، ترجمان سول ایوی ایشن کے مطابق آئوٹ سورسنگ کا عمل مسابقت کی بنیاد پر ہوگا جس میں سب سے بہتر بڈر/بولی لگانے والے کو کامیاب قرار دیا جاتا ہے۔