لاہور(نامہ نگار)  پیپلز پارٹی وسطی پنجاب کے قائم مقام صدر رانا فاروق سعید نے کہا ہے کہ سلمان تاثیر حق پر تھے اور انہوں نے حق کی بات کی تھی۔وہ سابق گورنر سلمان تاثیر کی برسی پر ان کی قبر پر فاتحہ خوانی اور پھولوں کی کی چادر چڑھانے کے بعد میڈیاسے گفتگو کر رہے تھے۔اس موقع پرمرحوم سلمان تاثیر کے بلندی درجات کی دعا مانگی۔انفارمیشن سیکرٹری پیپلز پارٹی وسطی پنجاب شہزاد سعید چیمہ،فیصل میر،حاجی عزیز الرحمن چن،افنان بٹ،مسعود ملک بھی موقع پر موجود تھے۔رانا فاروق سعید نے کہا کہ پیپلز پارٹی اپنے شہیدوں کو نہیں بھلاتی،کیونکہ اسکے لیڈر بھی شہید تھے۔ پیپلز پارٹی وسطی پنجاب کیقائم مقام صدر رانا فاروق سعید نے نعمان یوسف کو اپنا کوآرڈینیٹر مقرر کردیا ہے اور انہوں نے اس سلسلے میں نوٹیفکیشن جاری کردیا ہے ۔