ویتنام میں کوویڈ-19  کا نیا ویرینٹ سامنے آگیا

ہنوئی(شِنہوا)ویتنام کے جنوبی شہر ہوچھی منہ میں کوویڈ-19 کے ویرینٹ اومیکرون کا ایک نیا ورڑن ایکس بی بی سامنے آگیا ہے۔ہوچھی منہ سٹی ہسپتال برائے استوائی امراض اور آکسفورڈ یونیورسٹی کلینیکل ریسرچ یونٹ کی کوویڈ-19 ریسرچ ٹیم کے مطابق، کوویڈ کی اس ذیلی قسم  کے کیسز گزشتہ سال دسمبر میں انتہائی قلیل تعداد میں رپورٹ ہوئے تھے۔ویتنام نیوز ایجنسی کے مطابق، 2022 کی دوسری ششماہی کے دوران، ملک کے اس جنوبی شہر میں زیادہ تر اومیکرون اور ڈیلٹا کی مختلف اقسام کے کیسز سامنے آئے تھے۔ان کا کہنا تھا کہ جنوبی شہر میں کوویڈ-19 کی صورتحال اب بھی بہتر طور سے کنٹرول میں ہے، جو سنگین کیسزسے تحفظ  اور اموات کو روکنے میں ویکسین کے کردار کو ظاہر کرتی ہے۔