کراچی ( اسٹاف رپورٹر )سندھ پولیس میوزیم گارڈن پولیس ہیڈ کواٹر میں ریفارم تھرو ٹیکنالوجی اورینٹڈپولیسنگ (ٹاپ) کے موضوع پر ایک روزہ 
کانفرنس کا انعقادکیا گیا۔یہ تقریب فالکونآئی،سندھ پولیس اور ایسوسی ایشن آف انسپکٹر جنرل پولیس پاکستان سے اشتراک سے منعقد کی گئی۔اے ایف آئی جی پی کے سیکریٹری کلیم امام،آئی پی (ریٹائرڈ) نے پر وگرام کا آغاز کیا،جبکہ آئی جی سندھ پولیس غلام نبی میمن نے بطورمہمان خصوصی تقریب میں شرکت کی،سی ای او فالکون آئی سعد سلمان نے سامعین کے سامنے انڈسٹری کا جائزہ پیش کیا۔اور کانفرنس کے دوران سامعین کو ٹیکنالوجی کے اقدامات سے متعارف کرایا گیا۔ کانفرنس کے شرکا نے تجویز پیش کی کہ ایک نامزد فوکل پرسن کے ساتھ ایک کمیٹی قائم کی جائے جو صنعت اور پولیس کے تعاون کو آسان بنانے کے لیے کاروباری اور قانون نافذ کرنے والی تنظیموں کے درمیان تعلقات کو فروغ دے سکیں انکیوبیٹرز پر بھی غوروخوض کیا گیا جن کا استعمال سافٹ ویئر بنانے،اسے جانچنے،اور جامع وینڈر لسٹوں کے ساتھ حقیقی پالیسی حل تیار کرنے کے لیے کیا جاسکتا ہے یہ حل پیش گوئی کرنے والے تجزیہ کا استعمال کرسکتے ہیں اور ایسے نتائج پیدا کرسکتے ہیں جن کی نگرانی آسان ہے کانفرنس میں صنعت کے سرکردہ ماہرین اور ٹیکنالوجی،سائبر سیکورٹی اور سرویلنس کے شعبے سے تعلق رکھنے والی ممتاز شخصیات نے شرکت کی۔