پنگریو ( نامہ نگار)  سینئرصحافی اورپریس کلب پنگریو کے سپرست اعلیٰ نانااحمدکھٹی 71 سال کی عمر میں انتقال کر گئے۔ گزشتہ چندروزسے علالت کے باعث حیدرآباد کے نجی اسپتال میں زیرعلاج تھے جسدخاکی پنگریوپہنچنے پر شہر میں سوگ پھیل گیا،کھٹی برادری کے تاجروں نے اپنا کاروبار بندکردیا متوفی احمدکھٹی کی نماز جنازہ حاجی فقیر قبرستان پنگریومیں اداکی گئی جس میں مختلف مکاتب فکرکے افرادکی بڑی تعدادنے شرکت کی احمدکھٹی چالیس سال سے صحافت کے شعبے سے وابستہ تھے۔