لاہور (نوائے وقت رپورٹ) مسلم لیگ (ن) کی عام انتخابات میں ٹکٹوں کی تقسیم کے معاملے پر پارٹی نے لاہور سے قومی اسمبلی کی 12 نشستوں پر امیدواروں کے ناموں کو شارٹ لسٹ کر لیا۔ ذرائع کے مطابق سردار نصیر بھٹہ، سابق ایم این اے وحید عالم خان بھی قیادت کو قائل کرنے میں ناکام رہے۔ سردار ایاز صادق کو ضمنی انتخابات میں اکاموڈیٹ کرنے کا فیصلہ کیا گیا۔ سردار ایاز صادق کو سینٹ کی ٹکٹ بھی آفر کئے جانے کا امکان ہے۔ این اے 117 میں آئی پی پی سے ممکنہ سیٹ ایڈجسٹمنٹ کی وجہ سے امیدوار شارٹ لسٹ نہ ہو سکا۔ این اے 118 سے حمزہ شہباز  شارٹ لسٹ کئے گئے امیدواروں میں شامل ہیں۔ رانا مبشر قومی اسمبلی کے حلقہ این اے 124  سے ن لیگ کے حتمی امیدوار ہوں گے۔ این اے 119 سے مریم نواز کا نام شارٹ لسٹ کئے گئے امیدواروں میں سرفہرست ہیں۔ این اے 120 میں سہیل شوکت بٹ، این اے 121 سے روحیل اصغر کا پارٹی ٹکٹ حاصل کرنے میں کامیاب ہونے کا واضح  امکان ہے۔ این اے 122 سے سعد رفیق اور این اے 123 سے شہباز شریف کے امیدوار ہونے کے امکان نمایاں ہیں۔ این اے 125 میں افضل کھوکھر، این اے 126 سے سیف کھوکھر لیگی امیدوار ہوں گے۔ این اے 127 میں عطاء اللہ تارڑ، این اے 129 سے مہر اشتیاق ٹکٹ کی دوڑ میں آگے ہیں۔ این اے 130 سے نواز شریف کا اپنے آبائی حلقے سے انتخابات میں حصہ لینے کا امکان ہے۔  (ن) لیگ چند روز میں این اے 117 اور این اے 124 کے امیدواروں کا فیصلہ کرے گی۔