کوسٹاریکا فٹبال ٹیم کے گول کیپر فٹ آج ہالینڈ کیخلاف کھیلیں گے

ریوڈی جنیرو (سپورٹس ڈیسک) فٹبال ورلڈکپ کے پری کوارٹرفائنل میں یونان کے خلاف پنلٹی بچانے والے کوسٹاریکا کے گول کیپر کیلر نیواس فٹ ہو گئے۔ آج کوارٹرفائنل میں ہالینڈ کیخلاف کھیلیں گے۔ وہ کندھے کی انجری کا شکار ہو گئے تھے اور گذشتہ روز پریکٹس سیشن میں حصہ بھی نہیں لیا تھا۔ ڈاکٹر ایرک سانچیز کے مطابق کیلر کے بارے میں بڑے محتاط ہیں۔ کوارٹرفائنل کھلانے کیلئے ان کو آرام دیا گیا تھا۔