سینٹ لوشیا (اے پی پی) پاکستانی آل رائونڈر شاہد آفریدی اور سہیل تنویر کی کیربیئن پریمیئر لیگ مایوس کن کارکردگی کا سلسلہ جاری ہے۔ گیانا ایمزون کے خلاف میچ میں شاہد آفریدی 3 اور سہیل تنویر 9 رنز بناکر آئوٹ ہوئے۔ شاہد آفریدی چار اوورز میں 51 رنز دے کر کوئی وکٹ حاصل نہ کر سکے جبکہ سہیل تنویز نے تین اوورز میں 17 رنز دے کر ایک کھلاڑی کو آئوٹ کیا۔ شاہد آفریدی نے اب تک چار میچوں میں 30 رنز بنائے ہیں اور ایک وکٹ حاصل کر سکے ہیں جبکہ سہیل تنویر نے اتنے ہی میچز میں 38 رنز اور چار وکٹیں حاصل کی ہیں۔