لاہور+ اسلام آباد ( وقائع نگار خصوصی) قومی کرکٹ ٹیم کے کپتان سرفراز احمد نے وزیراعظم کی طرف سے دیئے گئے استقبالیہ کی تقریب میں نعت رسول مقبولؐ بھی سنائی۔
؎ جب وقت نزع آئے دیدار عطا کرنا
اوپنر اظہر علی نے ویسٹ انڈیز میں بھوت سے ڈرنے کی آپ بیتی سنا کر وزیراعظم ہائوس میں سب کو ہنسنے پر مجبور کر دیا۔ تقریب میں شریک شعیب ملک نے میزبان کے سوالات کے ایسے زبردست اور مزاحیہ جواب دیئے کہ وزیراعظم نوازشریف بھی قہقہہ لگانے پر مجبور ہو گئے۔ سنچری بنانے والے فخر پاکستان‘ فخر زمان نے کریز پر اپنے اور اظہر علی کے درمیان ہونے والی گفتگو سے پردہ اٹھایا تو سب ہی ان کی بہادری کی داد دینے پر مجبور ہو گئے۔ انہوں نے یہ بھی بتایا ہیڈ کوچ مکی آرتھر نے جو کیا وہ بھی اس تاریخی جیت کے ساتھ ہمیشہ یاد رکھا جائے گا۔ بھارتی بیٹنگ لائن کی دھجیاں اڑانے والے محمد عامر اس تقریب میں شریک نہیں ہوئے جس پر ان کے مداح خاصے افسردہ نظر آئے۔ شعیب ملک نے کہا ہے کہ اس کو ہٹائو اس کو لائو والی پالیسی نہیں چلنی چاہئے۔ سینئر کی صلاحیتوں اور تجربے سے فائدہ اٹھاتے رہنا چاہئے۔