کارگل کی جنگ کے ہیرو کیپٹن کرنل شیر خان کے 22ویں یوم شہادت پر اسپیکر قومی اسمبلی اسد قیصر کی جانب سے پیغام جاری کیا گیا ہے۔
تفصیلات کے مطابق اسپیکر قومی اسمبلی اسد قیصر نے سماجی رابطے کی ویب سائٹ ٹوئٹر پر جاری اپنے پیغام میں لکھا کہ کارگل کی جنگ کے ہیرو کیپٹن کرنل شیر خان شہید (نشانِ حیدر) کے 22ویں یوِم شہادت پران کی بہادری، جرأت اور مادرِ وطن کے دفاع کرنے کےجذبے کو خراجِ تحسین پیش کرتا ہوں۔
انہوں نے اپنی ٹوئٹ میں مزید کہاکہ دشمن کے سامنے سینہ سپر ہوکر ملک کا دفاع کرنے اور اپنی جان کا نذرانہ پیش کرنے والےعظیم سپوت کی قربانی کو ہمیشہ یاد رکھا جائےگا۔