اسلام آباد(اپنے سٹاف رپورٹر سے) اسلام آباد سے دولڑکے اورایک لڑکی اغواء ہو گئے تھانہ سیکرٹریٹ کو محمد پرویز نے بتایا کہ نوری باغ میں میرے دو بیٹوں شان علی اور مزل کو نامعلوم افراد نے اغواء کرلیا، تھانہ کھنہ کو صالح خان نے بتایا کہ محمد صدیق وغیرہ نے 13سالہ بیٹی عائشہ کو اغواء کرلیا۔
پولیس کو شکایت لگانے کا شاخسانہ شہری چاقو کے وار سے زخمی
اسلام آباد(اپنے سٹاف رپورٹر سے)پولیس کو شکایت کیوں لگائی یہ کہہ شہری کو چاقو کے وار سے لہو لہان کردیا گیا تھانہ سیکرٹریٹ کو ملک نعیم نے بتایا کہ مسلم کالونی میں کاکا اور جمیل نے روک لیا اور کہا کہ تم پولیس کو شکایات لگاتے ہویہ کہہ کرچاقو مار کر زخمی کر دیا۔
ڈی آئی جی ہیڈکوارٹرز کی ٹریفک حادثہ میں زخمی کانسٹیبل کی عیادت
اسلام آباد (اپنے سٹاف رپورٹر سے)ڈی آئی جی ہیڈکوارٹرز اویس احمد ملک اور ڈی جی سیف سٹی رومیل اکرم نے ٹریفک حادثے میں زخمی ہونے والے پولیس جوان کانسٹیبل کلیم اللہ کی ہسپتال میں عیادت کی اور بہترین علاج معالجہ کے لئے ہدایت کی۔
ناجائزاسلحہ رکھنے والے 4ملزم گرفتار
راولپنڈی(اپنے سٹاف رپورٹر سے ) ناجائزاسلحہ رکھنے والے 4ملزموں کو گرفتار کرکے ا سلحہ برآمد کرلیا گیا،تھانہ دھمیال پولیس نے3ملزموںہاشم ، شوکت اور کامران سے2پستول30بور اور رائفل 12بورجبکہ تھانہ چکری پولیس نے ملزم دوست محمدسے پستول30بور برآمد کرلیا۔