گگو منڈی،میلسی (نامہ نگار،تحصیل رپورٹر ) محنت کش اغوا،لڑکی کی کوشش، اوباش کی شہریوں کے ہاتھوں درگت۔گگو منڈی سے نامہ نگار کے مطابق حافظ آ باد کالونی کی نجمہ بی بی نے مقدمہ درج کروایا کہ صبح سات بجے کے قریب محمد افضل عرف طوطی جموں اور دو نا معلوم افراد نے ہمارے گھر کا دروازہ گھٹگھٹایا جب اس کا خاوند باہر نکلا تو ملزمان موٹر سائیکل پر  اغوا کر کے لے گئے جو تین ماہ گزرنے کے بعد بھی واپس نہیں آ یا ۔میلسی  سے تحصیل رپورٹر کے مطابق محلہ کمبر روڈ غریب آباد کے محمد افتخار کی بیٹی "ر"رشتہ داروں کے گھر سے واپس لوٹ رہی تھی کہ راستے میں علی واہ کا اوباش زمیندار اظہر علی اور اسد خان وغیرہ آئے اور "ر" کو اغوا کر نے کی کوشش کی ، چیخ پکار پر اہل محلہ خالد محمود اور محمد فیاض اور دیگر نے لڑکی کو ملزمان کے قبضے سے چھڑا لیا اور ایک اوباش اظہر کو بھی قابو کر کے   چھترول کی جبکہ فرار ہونے والے ملزم اسد خان نے  اپنے دیگر اوباش ساتھی بلوا لیے اور خالد محمود ،محمد فیاض کو تشدد کا نشانہ بنایا اور اظہر کو چھڑوا کر فرار ہو گئے ،پولیس نے مقدما ت درج کر لیے ۔
اغواء