بھٹو کے ادھورے مشن کی تکمیل کیلئے سر دھڑ کی بازی لگانا ہو گی : پیپلزپارٹی 

ملتان(سپیشل  رپورٹر)پاکستان پیپلز پارٹی کے سنیئر رہنما وسابق صدر ہائی کورٹ بار حبیب اللہ شاکر ایڈووکیٹ سپریم کورٹ،نائب صدر پیپلز پارٹی منظور قادری ایڈووکیٹ،سلیم شہزاد نائب صدر ملتان ڈویڑن،نائب صدر ضلع ملتان رانا صفدر نون،سعید اخترنائب صدر تحصیل ملتان ،شبیر گروہ نائب صدر تحصیل ملتان،ملک صدیق تھہیم صدر ملتان تاجر ونگ،ملک ریا ض احمد پی وائے او ملتان ڈویڑن نے مشترکہ بیان میں اظہار خیال کرتے ہوئے کہا کہ 5جولائی کو منتخب وزیر اعظم ذوالفقار علی بھٹو شہید کی حکومت پر شب خون مارکر جمہوریت کو ختم کرنے کی کوشش کی گئی، آج بلاول بھٹو زرداری بھی اسی فلسفہ کو اپنا کر اپنے عظیم القدر نانا اور والدہ بے نظیر بھٹو کے نقش قدم پر چلتے ہوئے پارٹی کے جیالوں کی رہنمائی کر رہے ہیں، آج شہید بابا ذوالفقار بھٹو اور بے نظیر بھٹو شہید رانی کو خراج عقیدت پیش کر نے کے علاوہ ان کے ادھورے چھوڑے ہوئے مشن کی تکمیل کیلئے سردھڑ کی بازی لگانا ہوگی تب شہید بابا اور بے نظیر بھٹو کی روح کو تسکین مل سکے گا۔