ملتان (خصوصی رپورٹر) نشتر ایڈمنسٹریش کمیٹی کا اجلاس گزشتہ روز وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد کی سربراہی میںمنعقد ہوا جس میں پرنسپل پروفیسر ڈاکٹر افتخار حسین، ایم ایس ڈاکٹر محمد نبیل سلیم، ڈایریکٹر اور ڈپٹی ڈائریکٹر فنانس سمیت مختلف شعبوں کے اے ایم ایس صاحبان نے شرکت کی۔ اجلاس میں جاری ترقیاتی سکیموں کے حوالے سے ہونے والی پیشرفت، بجٹ سے متعلقہ آمور، کرونا اور ڈینگی کے حوالے سے کئے گئے انتظامات اور نشتر ہسپتال میں مہیا کی جانے والی طبی سہولیات  جیسے اہم موضوعات کو زیر بحث لایا گیا۔
سائلین کیلئے خوشخبری ‘ ضلع 
کچہری میں پبلک واش رومز تعمیر 
ملتان (سپیشل رپورٹر )ضلع کچہری میں آنے والے سائلین کے لئے خوشخبری۔ عدالتوں میں آنے والے سائلین کے لئے پبلک واش رومز بنا دئے گئے۔ چیف جسٹس لاہور ہائی کورٹ کی جانب سے ایک کروڑ روپے کے فنڈز جاری ہونے کے بعد ضلع کچہری میں پبلک واش رومز کی تعمیر آخری مراحل میں پہنچ گئی۔ جنرل سیکرٹری ڈسٹرکٹ بار ایسوسی ایشن چوہدری محمد ارشد صابر میئو کا کہنا ہے کہ 12 پبلک واش رومز بنا کر سائلین کے لئے سہولت دی گئی ہے۔ 
عدیل الرحمان  سیکرٹری میڈیا 
انصاف یوتھ ونگ جنوبی پنجاب مقرر 
میلسی (تحصیل رپورٹر)صدر انصاف یوتھ ونگ جنوبی پنجاب تیمور السلام  کی مشاورت کے بعد جنرل سیکرٹری جنوبی پنجاب  وقار خان  نے عدیل الرحمان  کو  سیکرٹری میڈیا انصاف یوتھ ونگ جنوبی پنجاب مقرر کرنے کا نوٹیفکیشن جاری کردیا۔وسیم احمد شیخ، شیراز حسین کاظمی چوہدری ہارون الرشید ، فہد اکبر، چوہدری وقاص، زبیر صدف، میاں عدیل ، کامران ملانہ، صفدر گھلو،محمد طاہر عزیز نے مبارک باد دی۔