عسکری قیادت کا کیپٹن کرنل شیر خان کو یوم شہادت پر زبردست خراج عقیدت

اسلام آباد (خبرنگارخصوصی) افواج پاکستان، چیئرمین جوائنٹ چیفس آف سٹاف کمیٹی اور سروسز چیفس نے کیپٹن کرنل شیر خان شہید، نشان حیدر کے 24ویں یوم شہادت کے موقع پر انہیں زبردست انداز میں خراج عقیدت پیش کیا ہے۔ پاک فوج کے شعبہ تعلقات عامہ(آئی ایس پی آر) کے مطابق عسکری قیادت کا کہنا ہے کہ کیپٹن کرنل شیر خان شہید نشان حیدر کی شاندار قائدانہ صلاحیت اور بے مثال بہادری مادر وطن کے دفاع کو ہر قیمت یقینی بنانے میں ہمارے لئے مشعل راہ ہے۔ انہوں نے کہا کرگل جنگ کے ہیرو کیپٹن کرنل شیر خان نے کٹھن حالات کے باوجود اپنے خون سے دفاع وطن کیلئے جرآت، ثابت قدمی اور حب الوطنی کی لازوال تاریخ رقم کی۔ بِلا ش±بہ کیپٹن کرنل شیر خان کا یوم شہادت افواج پاکستان کی مادر وطن کیلئے دی جانے والی قربانیوں کا مظہر ہے۔ آئی ایس پی آر کے مطابق پاکستان کے یہ درخشندہ ستارے جنہوں نے ملک کی آبرو کیلئے اپنی جان نچھاور کی بِلاشبہ عزت و تکریم کے مستحق ہیں۔
عسکری قیادت