لاہور (لیڈی رپورٹر) ٹائمز ہائر ایجوکیشن ینگ یونیورسٹی رینکنگ 2023‘لاہور کالج برائے خواتین یونیورسٹی کی دنیا بھر میں 401-500 نمبر پر درجہ بندی،لاہورکالج برائے خواتین یونیورسٹی نے ورلڈ یونیورسٹی رینکنگ 2023، ایشیا یونیورسٹی رینکنگ 2023 اور اب ینگ یونیورسٹی رینکنگ 2023 میں بھی رینک حاصل کرلیا، لاہور کالج برائے خواتین یونیورسٹی پاکستان کی واحد خواتین یونیورسٹی ہے جس کی ینگ یونیورسٹی رینکنگ 2023 میں درجہ بندی کی گئی۔وائس چانسلر پروفیسر ڈاکٹر بشریٰ مرزا نے اس شاندارکامیابی پر فیکلٹی ، سٹاف اور طالبات کو مبارکباددیتے ہوئے کہا کہ پاکستان کی خواتین یونیورسٹیوں میں پہلی بار درجہ بندی حاصل کرنا لاہور کالج فار ویمن یونیورسٹی میں تعلیم اور تحقیق کے غیر معمولی معیار کا ثبوت ہے۔