آئی سی سی نے نئی ٹیسٹ رینکنگ جاری کر دی ہے قومی کپتان بابر اعظم اور اسٹار فاسٹ بولر شاہین شاہ آفریدی ٹاپ ٹین کی فہرست میں شامل ہیں۔انٹرنیشنل کرکٹ کونسل نے نئی ٹیسٹ رینکنگ جاری کر دی ہے. جس کے مطابق قومی کپتان بابر اعظم کی ایک درجے تنزلی ہوئی ہے. تاہم وہ بلے بازوں کی ٹاپ ٹین فہرست میں شامل ہیں اور درجہ بندی میں چھٹے نمبر پر موجود ہیں۔نیوزی لینڈ کے کین ولیمسن نے پہلی پوزیشن پر قبضہ جما لیا ہے جب کہ لارڈز میں حال ہی میں ختم ہونے والے ایشز کے دوسرے ٹیسٹ میں ناقص کارکردگی نے انگلش کھلاڑی جو روٹ کو پہلی سے پانچویں پوزیشن پر پہنچا دیا ہے۔اس فہرست میں آسٹریلوی بلے باز اسٹیو اسمتھ چار درجے ترقی پا کر دوسری پوزیشن پر براجمان ہوگئے ہیں۔ دنیا کے بہترین بلے باز مانے جانے والے بھارتی کھلاڑیوں میں سے صرف ایک ریشپھ پنت نے اس فہرست میں سب سے آخر میں دسویں پوزیشن پر جگہ پائی ہے۔
بولنگ رینکنگ میں بھارت کے روی چندر ایشون پہلے نمبر پر موجود ہیں۔ آسٹریلوی کپتان پیٹ کمنز دو درجے ترقی پا کر دوسرے نمبر پر آگئے ہیں۔ اس فہرست میں قومی اسٹار فاسٹ بولر شاہین شاہ آفریدی کا چھٹا نمبر ہے۔