چیمپئنز ٹرافی کے تمام میچز پاکستان  میں ہونگے ‘بھارت کی شرکت پر  کچھ نہیں کہوں گا: چیئرمین پی سی بی 

 لاہور(سپورٹس رپورٹر)چیمپئنز ٹرافی کے حوالے سے اچھی خبریں ہیں، ایونٹ کے تمام میچز پاکستان میں ہی ہونگے۔ بھارتی ٹیم کے چیمپئنز ٹرافی میں شرکت پر ابھی کچھ نہیں کہوں گا، مگر اچھی خبر ہی ہو گی، چیمپئنز ٹرافی سے قبل تینوں سٹیڈیمز کی اپ گریڈیشن مکمل کرنی ہے۔ چیمپئنز ٹرافی کیلئے ٹکٹس کا کوٹہ نہیں ہو گا،  پی سی بی والوں کو کہا ہے کہ ٹکٹس پر لوگ آپ کو تنگ کرینگے، ٹکٹس بیچ کر پی سی بی کا ریونیو بڑھائیں گے۔ آئی سی سی ورلڈ کپ کے دوران پی سی بی آفیشلز کو صرف 4 ٹکٹس ملی تھیں، فری ٹکٹس کا رواج ختم کرنا ہو گا، پاکستان بھارت سیریز کیلئے کرکٹ آسٹریلیا سے بھی اچھی آپشنز ہیں، پاکستان  بھارت سیریز کے حوالے سے بھی اچھی خبر ہو گی۔