متعدد وارداتوں میں ڈاکو شہریوں سے لاکھو ں روپے ‘قیمتی سامان لیکر فرار

لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ ڈاکوؤں نے شفیق آباد میں سرفرازکے گھر میں گھس کر اہلخانہ کو گن پوائنٹ پر یرغمال بنا کر سے 5 لاکھ 10 ہزار‘ زیورات،موبائل فون دیگر سامان،گڑھی شاہو میں عمر کی فیملی سے 4 لاکھ ‘ زیورات،بادامی باغ میں قدیرسے ڈھائی لاکھ‘زیورات‘ موبائل فون،گرین ٹاؤن میں عدنان سے ایک لاکھ 60 ہزار‘ موبائل فون، نشتر کالونی میں مشتاق سے ایک لاکھ ‘ موبائل فون، لاری اڈہ میں خاور سے 65 ہزار‘ موبائل فون،شیراکوٹ میں نذیر سے 58 ہزار‘ موبائل فون،مسلم ٹاؤن میں نادر سے 46ہزار‘ موبائل فون لوٹ لیا ۔چوروں نے ڈیفنس، مانگا منڈی، گڑھی شاہو‘ غازی آباد سے 4کاریں جبکہ نیو انارکلی، رنگ محل، مزنگ، لوئر مال،ٹاون شپ اور مناواں کے علاقوں سے6 موٹرسائیکل چوری کرلئے۔