اسلام آباد (خبرنگار خصوصی)پاکستان کی مسلح افواج، چیئرمین جوائنٹ چیفس آف سٹاف کمیٹی اور سروسز چیفس کی جانب سے ناقابل تسخیر کیپٹن کرنل شیر خان شہید نشان حیدر کو ان کی عظیم قربانی کی 25ویں برسی کے موقع پر خراج  عقیدت  پیش کرتے ہیں۔ پاک فوج کے شعبہ تعلقات عامہ(آئی ایس پی آر) کی جانب سے جاری اعلامیہ میں کہا گیا ہے کہ کیپٹن کرنل شیر خان شہید کی مثالی قیادت اور غیر متزلزل ہمت مسلح افواج کے لئے ہر قیمت پر پاکستان کا دفاع کرنے کی ترغیب دیتی ہے۔ کارگل جنگ میں کیپٹن کرنل شیر خان کی بہادری نے بہادری، غیر متزلزل عزم اور اٹوٹ وفاداری کے ساتھ ان کا نام تاریخ میں رقم کیا۔ ان کی شہادت مادر وطن کی حفاظت کے لیے مسلح افواج کی جانب سے دی گئی قربانیوں کے جذبے کو تازہ کرتی ہے۔