شیخوپورہ (نمائندہ نوائے وقت) شیخوپورہ کی مقامی آبادی بھکھی روڈ پر واقع محلہ بستی بلوچاں میں معروف روحانی صوفی بزرگ حضرت بابا موہلن شاہ سرکار کا دو روزہ عرس کی تقریبات کا آغاز ہو گیا۔ ملک بھر سے ہزاروں مریدین اور عقیدت مند شرکت کرینگے۔ عرس کے موقع پر دربار شریف پر محفل نعت اور محفل سماع کا انعقاد بھی کیا جائیگا۔اس موقع پر معروف سیاسی و سماجی شخصیت سردار شفقت خاں بلوچ نے اکرم جلیبیاں والا ، میاں صادق اور حافظ اصغر سمیت دیگر عقیدت مندوں کے ہمراہ دربار شریف کو عرق گلاب سے غسل دیا اور چادر پوشی کی۔