بینظیر انکم سپورٹ پروگرام غریب طبقے کیلئے امید کی کرن ، روبینہ خالد

راولپنڈی(جنرل رپورٹر)پیپلز پارٹی کے سینئر رہنما ماسٹر بشیرنے بینظیر انکم سپورٹ پروگرام کی چیئرپرسن سنیٹر روبینہ خالد سے ملاقات کی اوچیئر پرسن بننے پر مبارکباد پیش کی، انہوں نے پیپلز پارٹی کے کارکنوں کو پیش آنے والی مشکلات سے آگاہ کیا اور امید ظاہر کی کہ وہ غریب کارکنوں کو رجسٹریشن  میں پیش آنے والی مشکلات کا ازالہ کریں گی۔ روبینہ خالد نے کہا کہ بینظیر انکم سپورٹ پروگرام ملک کے غریب طبقے کیلئے امید کی کرن ہے غربت کے خاتمے کیلئے اپنی جدوجہد جاری رکھیں گے۔انہوں نے یقین دلایا کہ رجسٹریشن کیلئے پیش آنے والی مشکلات کا ازالہ کیا جائے گا۔