فتح جنگ اور کھڑپہ بیٹ میں پٹرولنگ افسران کو ریفریشر کورس کروایاگیا

    فتح جنگ(نامہ نگار)موٹروے پولیس سیکٹر کمانڈ ر فرہاد اللہ ایس پی کی ہدایات پر موبائل ایجوکیشن یونٹ افسران نے فتح جنگ اور کھڑپہ بیٹ میں پٹرولنگ افسران کو ریفریشر کورس کروایا۔موٹر وے پولیس ماضی کی شاندار روایات کو برقرار رکھتے ہوئے عملی طور پر مثالی ادارہ نظر آنا چاہیے۔ مسافروں سے شائستگی ایمانداری اور بروقت روڈ پر مدد کو یقینی بنایا جائے۔ تحمل بردباری سے برداشت کا مظاہرہ کرنا ہے اور جذبات کے مظاہرے کا موقع نہیں دینا۔ تمام  وسائل بروئے کار لاتے ہوئے موٹروے کے صارفین کو ہر ممکن سہولیات بروقت فراہم کی جائے۔دیگر اداروں سے موثر ربط اور عوام کی جانب سے بہترین رویے اور بروقت مدد کو یقینی بنایا جائے۔ روڈ سیفٹی ایجوکیشن کو مزید موثر بنا کر عوام میں ٹریفک قوانین کے بارے میں آگاہی پیدا کی جائے گی جو حادثات پر قابو پانے میں مددگار ثابت ہو گی۔ مزید ریفریشر کورس میں ہکلہ فتح جنگ نیٹ کمانڈر شیر احمد نے کہا ہے کہ بہترین پیشہ ورانہ کارکردگی کا مظاہرہ کرنے والے افسران کی حوصلہ افزائی کی جائے گی اور ناکام ہونے والوں کے ساتھ سختی سے نمٹا جائے گا۔