گوجرخان، اہل خانہ کی غیر موجودگی میں چورگھر کا صفایا کر گئے 

گوجرخان (نامہ نگار)گوجرخان، اہل خانہ کی غیر موجودگی میں چورگھر سے لاکھوں روپے مالیتی طلائی زیورات، نقدی، پرائز بانڈز، مکانوں کی رجسٹری ودیگر سامان چوری کرکے فرار، پولیس نے ایف آئی آر درج کرکے تفتیش شروع کردی ہے جبکہ بجلی چوری کے الزام میں ایک شخص کیخلاف ایف آئی آردرج کرا دی گئی تفصیلات کے مطابق محمد آصف سکنہ وارڈ نمبر16نے پولیس تھانہ گوجرخان کو بتایا کہ اس کے گھر میں اہل خانہ کی غیر موجودگی میں نامعلوم چور گھر سے تین عدد طلائی سیٹ،ایک عدد طلائی نک ٹکا،گیارہ عدد طلائی انگوٹھیاں،گیارہ لاکھ روپے مالیتی پرائز بانڈز،پندرہ لاکھ روپے نقدی، مکانوں کی رجسٹری اور دیگر قیمتی سامان چوری کر کے فرار ہو گئے ہیںپولیس نے ایف آئی آر درج کر کے تفتیش شروع کر دی ہے ادھرمحمد علی ایس ڈی اوواپڈا سٹی سب ڈویژن گوجرخان نے پولیس تھانہ گوجرخان میں ایف آئی آر درج کرائی کہ دوران چیکنگ معلوم ہواکہ سپیالی کے رہائشی ایک صارف نے بجلی کے میٹر میں سوراخ کر کے بجلی چوری کی ہے پولیس نے مذکورہ صارف کیخلاف ایف آئی آر درج کر لی ہے۔