آج صبح پرانی سبزی منڈی میں نامعلوم افراد نے فائرنگ کرکے ایک شخص کو زخمی کردیا جسے فوری طور پر اسپتال منتقل کیا گیا تاہم وہ زخموں کی تاب نہ لاتے ہوئے دم توڑ گیا ، مقتول کی شناخت عبدالرحمان کے نام سے ہوئی ، فائرنگ کا دوسرا واقعہ تین ہٹی کے قریب پیش آیا جہاں نامعلوم افراد کی فائرنگ سے ساٹھ سالہ شوکت زخمی ہوگیا ، ادھر سرجانی ٹاؤن کے علاقے گلشن شیراز کی کچرا کنڈی سے ایک خاتون کی ٹکروں میں تقسیم لاش ملی ہے ۔ ادھر کھارا در کے علاقے کامل گلی میں پولیس موبائل پر فائرنگ کے دوران دو افراد زخمی ہوگئے، لیاری کے علاقے کلری سے ایک شخص کی ہاتھ پاؤں بندھی لاش ملی۔ مقتول کو اغوا کرکے تشدد کرنے کے بعد قتل کیا گیا۔ بلدیہ ٹاؤن میں فائرنگ سے پچاس سالہ نجیب اللہ جاں بحق ہوگیا۔ رات گئے ملیر سعودآباد میں نامعلوم افراد کی فائرنگ سے دو خواتین زخمی ہوگئی جنھیں طبی امداد کے لیئے جناح اسپتال منتقل کردیا گیا ، زخمی ہونے والی خواتین کی شناخت نگہت اور افشین کے نام سے ہوئی دوسری جانب رینجرز کی جانب سے لیاری کے علاقوں سنگولین اور میراں ناکہ میں رات گئے چھاپے مارے۔ سنگولین میں کالعدم امن کمیٹی کے رہنما عزیر جان بلوچ کے گھر پر بھی چھاپہ مارا گیا لیکن انہیں گرفتار نہیں کیا جاسکا۔