سلیکشن کمیٹی کا دورہ سمر کیمپ کھلاڑیوں کی فٹنس کا جائزہ لیا

لاہور(سپورٹس رپورٹر) پاکستان کرکٹ ٹیم کی سلیکشن کمیٹی کے ارکان نے گذشتہ روز قذافی سٹیڈیم میں قومی کرکٹرز کے جاری سمر کیمپ میں کھلاڑیوں کی فٹنس کا باریک بینی سے جائزہ لیا۔ سلیکشن کمیٹی کے ارکان جن میں چیف سلیکٹر معین خان کے علاوہ سلیم یوسف، شعیب محمد اور وجاہت اﷲ واسطی شامل ہیں نے تمام کھلاڑیوں کو فزیکل ٹریننگ اور گراؤنڈ میں بیٹنگ باؤلنگ کی پریکٹس کرتے ہوئے دیکھا۔