ججزکی سنیارٹی ایڈیشنل ججزکی تقرری کے روز سے شروع ہوگی ٗ تفصیلی فیصلہ جاری

 اسلام آباد(این این آئی)سپریم کورٹ نے ہائیکورٹس کے ججوں کی سنیارٹی کا تفصیلی فیصلہ جاری کردیا۔ ججزکی سنیارٹی ایڈیشنل ججزکی تقرری کے روز سے شروع ہوگی۔پینتالیس صفحات پرمشتمل تفصیلی فیصلہ چیف جسٹس تصدق حسین جیلانی نے تحریرکیا ہے۔ سپریم کورٹ کے تفصیلی فیصلے میں کہا گیا کہ ججزکی سنیارٹی اس روز سے شروع ہو گی جب وہ بطور ایڈیشنل جج تعینات ہوں گے۔ ایک ہی دن تقررہوا توججز کی سنیارٹی کا فیصلہ عمرکے مطابق ہوگا۔ فیصلے کے مطابق ایک ہی دن میں تقرری کی صورت میں ماتحت عدالت کے جج صاحبان کووکلاء پرترجیح دی جائے گی۔