لاہور(نمائندہ سپورٹس )چیف سلیکٹر انضمام الحق کا کہنا ہے کہ دورہ انگلینڈ کے لئے قومی ٹیم کا اعلان آج ہو گا۔ شاہد آفریدی ہو یا کوئی اور کارکردگی دکھائے گا تو ٹیم میں آئے گا۔ مقامی ہوٹل میں ایک تقریب کے دوران میڈیا سے گفتگو کرتے ہوئے چیف سلیکٹر انضمام الحق کا کہنا تھا کہ قومی ٹیم کے لئے انگلینڈ کی سیریز کافی مشکل ہو گی۔ ملک کو جس کھلاڑی کی ضرورت ہوئی اسے ٹیم میں شامل کریں گے۔ انہوں نے مزید کہا کہ شاہد آفریدی ہو یا کوئی اور کھلاڑی، کارکردگی دکھائے گا تو ٹیم میں آئے گا۔