اسلام آباد (چوہدری شاہد اجمل/ نا مہ نگار) سابق وزیر اعظم کی صاحبزادی مریم نوا ز نے ریحام خان سے ملاقات کرنے یا نہ کرنے کے سوال پر کوئی جواب نہیں دیا اور صحافی کی جانب سے کئے گئے سوال کو گول کر گئیں ۔مریم نوازعدالت سے باہرآئیں تو ایک صحافی نے ان سے سوال کیا کہ کیاریحام خان سے کبھی آپ کارابطہ ہوا ہے؟۔ صحافی کے سوال پر مریم نواز نے تردید کی نہ تصدیق ، جواب دیا کہ اس سوال کو چھوڑیںجس کے بعد وہ خاموشی سے گاڑی میں بیٹھیں اور چلی گئیں۔ مسلم لیگ (ن) کے رہنما اور سابق سینیٹر نہال ہاشمی نے جب آگے بڑھ کر میاں نواز شریف سے مصافحہ کرنے کی کوشش کی تو سکیورٹی اہلکاروں نے انکو بھی پیچھے دھکیل دیا، اس دوران مریم نواز بھی نہال ہاشمی کو دور سے ہی السلام و علیکم کہہ کو آگے بڑھ گئیں، راولپنڈی سے سابق رکن قومی اسمبلی حاجی پرویز خان کو بھی سکیورٹی اہلکاروں نے نواز شریف کے قریب نہ جانے دیا۔