وسندے والی: سابقہ سسر‘ داماد اوراسکی بیوی پر تیزاب پھینک کر فرار

وسندے والی (نامہ نگار) سابق سسر نے اپنے داماد اور اس کی دوسری بیوی پر تیزاب پھینک دیا میاں بیوی جھلس گئے تفصیل کے مطابق رنگ پور کا رہائشی ریاض حسین راجپوت جو کہ اپنی دوسری بیوی طاہرہ بی بی کے ساتھ موٹر سائیکل پر سوار ہو کر اپنے سسرال روہیلانوالی کے نواحی علاقہ موچی والی کی طرف آرہا تھا وسندے والی کے قریب درکھان والی پل پر پیچھے سے آنے والے دو موٹر سائیکل سوارنے قریب ہو کر چلتے ہوئے موٹر سائیکل پر میاں بیوی ریاض حسین اور طاہرہ بی بی پر تیزاب پھینک کر موقع سے فرار ہوگئے۔ طاہرہ بی بی کادایاں بازو اور اس کی بیک سائیڈ مکمل طور پر جھلس گئے جبکہ اس کے خاوند ریاض حسین کے دونوں بازوں اوربیک سائیڈ مکمل طور پر جھلس گئی ریاض حسین نے صحافیوں کو بتایا کہ میں نے ایک ملزم کوپہچان لیا جو کہ میراسابق سسر رانا ارشد ہے اسکو میری دوسری شادی کا رنج تھا جبکہ اس کے ساتھ دوسرا شخص نامعلوم تھا1122 کی ٹیم نے تیزاب سے جھلسنے والے میاں بیوی کو مقامی آر ایچ سی روہیلانوالی لیگ وہاں سے ڈی ایچ کیو مظفر گڑھ ریفر کیا گیا مقامی پولیس تھانہ روہیلانوالی کا ایس ایچ عبدالکریم کھوسہ اپنی ٹیم کے ہمراہ موقع پر پہنچ گاور ملزمان کے خلاف مقدمہ درج کر کے قانونی کارروائی شروع کردی۔