پائینر یونٹی کااجلاس، پی ایم اے کے الیکشن میں بھرپور حصہ لینے کااعلان

ملتان(وقائع نگار)پائینئر یونٹی کے وفد نے چیف الیکشن کمیشنر ڈاکٹر عیس محمد سے نشتر میڈیکل یونیورسٹی کے کمیٹی روم میں ملاقات کی ملاقات میں مخالف گروپ کے نمائندے بھی موجود تھے ۔ہماری ٹیم نے الیکشن کمیشنر کو صاف اور شفاف انتخابات کے انعقاد کیلئے بھرپور تعاون کا یقین دلایا اور انکو ووٹر لسٹوں میں موجود خامیوں کی نشاندہی کی اس سلسلے میں پائینئر یونٹی نے اپنا الیکشن سیل وارڈ نمبر 18 اور وارڈ نمبر 19 نشتر ھسپتال و چلڈرن سرجری ڈیپارٹمنٹ چلڈرن ھسپتال میں قائم کر دیا ھے ، ڈاکٹر ساجد امامی ، ڈاکٹر اسلم یوسف اور ڈاکٹر ساجد اختر پائینئر یونٹی کی طرف سے رجسٹریشن ممبران ہیں ۔اس ملاقات کے بعدپروفیسر شاہد راؤ اور پروفیسر کاشف چشتی کی سربراہی میں پائینئر یونٹی کی میٹنگ ھوئی جس میںاصولی فتح پر مذاکراتی ٹیم کو خراج تحسین پیش کیا گیا ، پائینئر یونٹی الیکشن میں بھر پور طور پر حصہ لے گی اور مسلسل پانچویں مرتبہ فتح کا ریکارڈ قائم کرے گی۔ اجلاس میں شرکاء کو جلد از جلد ڈاکٹرز کی رجسٹریشن کیلئے ذمہ داریاں دی گئیں ۔