ٹڈی دل پرقابوپانے کیلئے کارروائی بھرپور انداز میں جاری ہے.وزیر خوراک

تحفظ خوراک کے وزیر سید فخر امام نے کہا ہے کہ ملک کے مختلف حصوں میں ٹڈی دل پرقابوپانے کیلئے کارروائی بھرپور انداز میں جاری ہے۔ انہوں نے جمعہ کے روز راولپنڈی میں ٹڈی دل کی صورتحال کے بارے میں صحافیوں کو بریفنگ دیتے ہوئے کہاکہ ٹڈی دل پرقابوپانے کیلئے چین سے جدید آلات درآمد کیئے گئے ہیں جن میں ادویات کے چھڑکائو کیلئے ڈرونز بھی شامل ہیں۔ انہوں نے کہاکہ برطانیہ میں قائم ایک کمپنی سے مائیکرون اسپرے جلد پہنچ جائیںگے جن سے علاقے میں اناج کی کھیتوں کے بڑے حصے سے ٹڈی دل کا صفایا کرنے میں مدد ملے گی.