پی آئی اے اور ڈریم ورلڈ ریزارٹ کے مابین معاہدہ

کراچی (کامرس رپورٹر) پی آئی اے اور ڈریم ورلڈ ریزارٹ نے سیاحت کو فروغ دینے کے لئے مفاہمت کی یادداشت پر دستخط کیے۔اس ،وقع پر چیف کمرشل آفیسر پی آئی اے ، علی طاہر قاسم اور سی ای او ڈریم ورلڈ ریزورٹ، عرفان ہلال نے پی آئی اے ہیڈ آفس ، کراچی میں ایک معاہدے پر دستخط کیے۔ تقریب میں سی ای او پی آئی اے ایئر مارشل ارشد ملک اور ڈریم ورلڈ ریزارٹ کے گروپ چیئرمین نواب احمد، چیئرمین ڈریم ورلڈ ریزارٹ طارق ہلال بھی موجود تھے۔ معاہدے کا مقصد اندراون ملک سیاحت کو فروغ دینے اور خاص طور پر کراچی میں سیاحت کو فروغ دینے کے لئے شراکت داری قائم کرنا تھا۔ مفاہمتی یادداشت کے مطابق ڈریم ورلڈ ریزارٹ پی آئی اے کے مسافروں کو نہ صرف ڈسکاؤنٹ آفر کرے گا ، بلکہ پی آئی اے ایوارڈ پلس ممبران کو رعایتی نرخوں پر اور آسان قسط کی ادائیگی کی سہولت کے ساتھ ممبر شپ آفر کرے گا۔جبکہ پی آئی اے ڈریم ورلڈ ریزارٹس کے ممبروں کو ٹکٹوں پر خصوصی رعایت دے گی۔ دستخط کی تقریب میں پی آئی اے اور ڈریم ورلڈ ریزارٹ کے سینئر عہدیدار بھی موجود تھے۔