پی سی بی مصروف سیزن میں کرکٹرز کو انجریز سے بچانے کیلئے فکرمند

لاہور (سپورٹس رپورٹر) پاکستان کرکٹ بورڈ نے سلیکٹرز اور ٹیم انتظامیہ کیساتھ کرکٹ سیزن کی تیاریوں کی حوالے سے حکمت عملی کا جائزہ لیا گیا۔  غور کیا گیا کہ مسلسل کرکٹ کھیلنے سے کھلاڑیوں کو ان فٹ ہونے سے بھی بچایا جائے۔23-2022ء کے سیزن میں پاکستان  ٹیم نے مسلسل ہوم اینڈ اوے کرکٹ سیریز کھیلنی ہیں۔  قذافی سٹیڈیم میں ہونیوالے اجلاس میں ڈائریکٹر انٹرنیشنل ذاکر خان ، کے علاوہ کپتان بابر اعظم، ڈاکٹر نجیب سومرو، ہیڈ کوچ ثقلین مشتاق چیف سلیکٹر محمد وسیم ، منیجر منصور رانا ، بائولنگ کوچ شان ٹیٹ اور فزیو کلف شریک ہوئے۔