لاہور(سپورٹس رپورٹر)قومی ٹیم کے فاسٹ بائولر شاہین شاہ آفریدی نے کہا ہے کہ بھارتی فاسٹ بائولر عمران ملک کی سپیڈ سے متعلق کہا کہ اگر فاسٹ بائولر کے پاس سپیڈ ہے لیکن لائن و لینتھ اور سوئنگ نہیں ہے تو ایسی سپیڈ کا کوئی فائدہ نہیں ہے۔واضح رہے کہ عمران ملک نے انڈین پریمیئر لیگ میں ان کی بائولنگ سپیڈ کے چرچے رہے۔فاسٹ بائولر شعیب اختر نے بھارتی فاسٹ بائولر کی تعریف کی تھی۔شعیب اختر کا کہنا ہے کہ اگر عمران ملک میرا ریکارڈ توڑتا ہے تو مجھے خوشی ہوگی۔ عمران ملک کا طویل کیریئر دیکھ رہا ہوں، لیکن وہ اس عمل میں زخمی نہ ہوں۔ کچھ دن پہلے مجھے تیز ترین گیند بازی کے 20 سال مکمل ہونے پر مبارکباد دی جارہی تھی۔انہوں نے یہ بھی کہا کہ اب تک کوئی بھی میرا ریکارڈ نہیں توڑ سکا لیکن کوئی ایسا ضرور ہوگا جو اس ریکارڈ کو توڑ یگا۔