لاہور(سپورٹس ڈیسک ) انگلینڈ اور نیوزی لینڈ کے درمیان ٹیسٹ سیریز کا پہلا میچ فیصلہ کن مرحلے میں داخل ہوگیا ۔ میزبان انگلش ٹیم کو مزید61رنز درکار جبکہ پانچ وکٹیں باقی ہیں۔ مہمان کیویز ٹیم دوسری اننگز میں 285رنز پر آئوٹ ہوگئی ۔ ڈیرل مچل 108اور ٹام بلنڈل 96رنز بناکر نمایاں رہے ۔ انگلینڈ کو جیت کیلئے 277رنز کا ہدف ملا ‘تیسرے دن کھیل کے اختتام تک پانچ وکٹوں پر 216رنز بنالئے ہیں ۔ کپتان بین سٹوکس 54رنز بناکر آئوٹ ہوئے ۔ جوروٹ 77اور بین فوکس 9رنز پر کھیل رہے تھے ۔ کائل جیمی سن نے چار کھلاڑیوں کوآئوٹ کیا۔