پیرس (یواین پی) امریکی نو عمر ٹینس سٹار کوکو گف کی فتوحات کا سلسلہ برقرار ہے، وہ ویمنز سنگلز کے بعد فرنچ اوپن ٹینس ویمنز ڈبلز مقابلوں کے بھی فائنل رائونڈ میں پہنچ گئی ہیں۔ 18 سالہ کوکو گف اور ان کی ہم وطن جوڑی دار جیسیکا پیگولا نے ویمنز ڈبلز کے سیمی فائنل رائونڈ میں میڈیسن کیز اور ان کی ہم وطن امریکی جوڑی دار ٹیلر ٹائون سینڈ کو شکست دی۔سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے۔ ویمنز ڈبلز مقابلوں کے سیمی فائنل میچ میں امریکا کی کوکو گف اور ان کی ہم وطن جوڑی دار جیسیکا پیگولا نے عمدہ کھیل پیش کرتے ہوئے میڈیسن کیز اور ٹیلر ٹاؤن سینڈپر مشتمل ہم وطن حریف امریکی جوڑی کوٹائی بریک پر 4-6 اور 6-7(4-7)سے شکست دے کر میگا ایونٹ کے ویمنز سنگلز مقابلوں کے فائنل میں پہنچنے کے بعد ویمنز ڈبلز فائنل کے لئے بھی کوالیفائی کرلیا۔کوکو گف اور ان کی ہم وطن جوڑی دار جیسیکا پیگولاکا فائنل میں مقابلہ فرانس کی کیرولین گارشیا اور ان کی ہم وطن جوڑی دار کرسٹینا ملاڈینوک سے ہوگا۔