ارجنٹینا فٹبال ورلڈ کپ کی تیاری ابو ظہبی میں کرے گا، دوستانہ میچ بھی کھیلا جائیگا

ملتان (سپورٹس ڈیسک) رواں برس قطر میں کھیلے جانے والے ورلڈ کپ کی تیاری کیلئے ارجنٹینا کی فٹبال ٹیم ابو ظہبی میں قیام کرے گی اور دوستانہ میچ کھیلے گی۔2 بار ورلڈ کپ فٹ بال جیتنے والی ارجنٹینا کی ٹیم اپنی تیاریوں کیلئے ابو ظہبی میں دوستانہ میچ کھیلے گی۔ارجنٹینا کے سپر اسٹار لیونل میسی کیلئے ٹرافی جیتنے کا یہ آخری موقع ہوگا کیونکہ وہ ٹورنامنٹ شروع ہونے تک 35 سال کے ہو جائیں گے۔بیان میں کہا گیا کہ ابو ظہبی 2022 کے ورلڈ کپ کیلئے ارجنٹینا کی قومی ٹیم کی تیاری کے کیمپ کی میزبانی کرے گا جس میں نومبر میں دوستانہ میچ بھی شامل ہونگے۔ارجنٹینا کو گروپ سی میں رکھا گیا ہے جو 22 نومبر کو سعودی عرب کے خلاف اپنی مہم کا آغاز کرے گا، اس کے بعد وہ 26 نومبر کو میکسیکو کا سامنا کرے گا اور 30 نومبر کو پولینڈ کے خلاف کھیلے گا۔