کراچی (پی پی آئی)ماضی کی مقبول اداکارہ لیلیٰ زبیری نے کہا ہے کہ وہ یہ نہیں کہہ سکتی کہ ماہرہ خان اچھی اداکارہ ہیں، البتہ وہ دیکھنے میں اچھی لگتی ہیں۔لیلیٰ زبیری نے حال ہی میں ایک انٹرویو میں نہ صرف ماہرہ خان بلکہ مہوش حیات اور صبا قمر کے حوالے سے بھی کھل کر بات کی۔پی پی آئی کے مطابق انہوں نے کہا کہ ان کی رومانٹک کامیڈی فلم ’تھوڑی سی سیٹنگ، تھوڑا سا پیار‘ کا مقابلہ صبا قمر کی ’کملی‘ سے نہیں ہے اور امید ہے کہ صبا قمر کی فلم کامیاب جائے گی۔دوران انٹرویو انہوں نے اعتراف کیا کہ ان کی عمر 64 برس ہے مگر وہ مثبت شخصیت اور سوچ کی وجہ سے دکھنے میں جوان لگتی ہیں۔لیلیٰ زبیری نے انٹرویو کے دوران صبا قمر کی تعریفیں کیں اور کہا کہ نہ صرف ان کی اداکاری بہت اچھی ہے بلکہ اعتراف کیا کہ وہ ان کی پسندیدہ اداکارہ بھی ہیں۔لیلیٰ زبیری نے کہا کہ مہوش حیات نے نہ جانے اپنے چہرے کے ساتھ کیا کیا ہے کہ وہ عجیب سی نظر آتی ہیں، پہلے وہ بہت معصوم دکھائی دیتی تھیں۔ایک اور سوال کے جواب مین انہوں نے ماہرہ خان کو مکمل پیکیج قرار دیا، تاہم انہوں نے انہیں بہترین اداکارہ تسلیم نہیں کیا۔لیلیٰ زبیری کی جانب سے مہوش حیات اور ماہرہ خان کے حوالے سے بات کیے جانے کی ویڈیو وائرل ہوگئی اور لوگوں نے ان کی باتوں پر ملے جلے رد عمل کا اظہار کیا۔