لاہور (این این آئی) محکمہ موسمیات نے ذی الحج کے چاند کی پیشگوئی کرتے ہوئے کہا ہے عید الاضحی 29 جون بروز جمعرات کو ہونے کا امکان ہے۔ محکمہ موسمیات کلائیمیٹ ڈیٹا پروسیسنگ سینٹر کے مطابق ذی الحج کا چاند دیکھنے کے دوران ملک کے بیشتر حصوں میں مطلع ابر آلود بھی ہو گا۔ غروب آفتاب7 بجکر24 منٹ پر ہونے کا امکان ہے۔ غروب آفتاب کے وقت کراچی میں چاند کی عمر34 گھنٹے 13منٹ ہو گی۔ کلائیمیٹ ڈیٹا پروسیسنگ سینٹر کے مطابق چاند نظر آنے کا دورانیہ غروب آفتاب کے بعد 80 منٹ ہے جبکہ چاند دکھائی دینے کیلئے اس کی عمر 19 گھنٹے ہونا ضروری ہے۔ 19جون کو ذی الحج کا چاند نظر آنے کا قوی امکان ہے۔ پہلی ذی الحج 20جون کو ہوگی اور عیدالاضحی29 جون بروز جمعرات کو ہونے کا امکان ہے۔
چاند