شیخوپورہ:انتظامیہ کی غفلت ، ٹریفک حادثات میں خوفناک حدتک اضافہ

شیخوپورہ (سلطان حمید راہی ،سیف الرحمن سیفی،ڈاکٹر الطاف حسین ) شیخوپورہ ٹریفک کے ناقص انتظامات اور مبینہ طور پر بعض ٹریفک اہلکاروں کی رشوت ستانی کے باعث شیخوپورہ میں ٹریفک کے حادثات میں خوفناک حد تک اضافہ ہو گیا ہے گزشتہ ایک ماہ کے دوران ڈیڑھ ہزار کے قریب ٹریفک حادثات رونما ہوئے جن میں متعدد افراد جاں بحق اور بعض لوگ شدید زخمی ہو کر اپاہج ہو چکے ہیں شہر میں موٹرسائیکل رکشہ ویگنوں ٹرکوں منی بسوں منی ٹرکوں کے غیر قانونی اڈے سڑکوں پر موجود ہے جس کی وجہ سے ٹریفک کی روانی شدید متاثر ہو رہی ہے اس کے ساتھ ساتھ ون وے کی خلا ف ورزی بھی کی جا رہی ہے ۔