لاہور (نامہ نگار) مناواں کے علاقے شریف پورہ میں لڑائی جھگڑے کے دوران چھریاں چلنے سے ایک بھائی ہلاک جبکہ دوسرا شدید زخمی ہو گیا ہے۔ مقتول عبد الرحمٰن اور اس کے بھائی رضا کا محلے دار اسد کےساتھ جھگڑا ہوا، پولیس کا کہنا ہے کہ اسد نے چھری کے وار کر کے عبدالرحمٰن کو قتل اوررضا کو زخمی کر دیا ہے۔پولیس نے مقتول عبدالرحمٰن کی نعش پوسٹ مارٹم کیلئے مردہ خانے منتقل کر دی گئی ہے اور زخمی رضا کو کیلئے ہسپتال داخل کرا دیا ہے جبکہ ملزم اسد موقع سے فرار ہو گیاہے جس تلاش کی جا رہی ہے۔جائے وقوعہ سے شواہد اکٹھے کر لئے گئے ہیں مزید تحقیقات جاری ہیں۔