دنیائے کرکٹ میں محمد آصف جیسا بالر کبھی نہیں دیکھا:رومان رئیس

لاہور(سپورٹس رپورٹر)قومی کرکٹ ٹیم کے فاسٹ بائولر رومان رئیس نے سابق کرکٹر محمد آصف کو جادوگر بائولر قرار دیدیا۔ رومان رئیس نے تسلیم کیا کہ دنیائے کرکٹ نے محمد آصف جیسا بائولر کبھی نہیں دیکھا، وہ ایک جادوگر تھے۔ محمد آصف کی مہارت کو دنیا کے ہر بہترین بیٹرز نے تسلیم کیا ہے جس سے ان کی مہارت کا اندازہ ہوتا ہے، انکا ایکشن نہایت آسان تھا ایسا لگتا ہی نہیں تھا کہ کوئی فاسٹ بائولر بائولنگ کروا رہا ہے، آصف ایسے بائولر تھے جنہیں ہاشم آملہ،کیون پیٹرسن، اے بی ڈی ویلیئرز، گریم سمتھ جیسے لوگ پسند کرتے ہیں۔رومان رئیس نے کہا کہ مجھے ان کے ساتھ کھیلنے کا کبھی موقع نہیں ملا لیکن حال ہی میں جب وہ اپنے عروج پر تھے تو امریکہ میں ان کے ساتھ بائولنگ کرنے کا موقع ملا، انہوں نے بتایا کہ میں 130 کی رفتار سے گیند کروارہا تھا لیکن وہ 120 کی سپیڈ سے گیند بازی کررہے تھے لیکن مجھ سے زیادہ اچھی انکی بال وکٹ کیپر پکڑ رہا تھا۔