جہانگیرترین کاپارٹی نام آج فائنل کرنےکافیصلہ

جہانگیر ترین نے اپنے گروپ رہنماؤں کا مشاورتی اجلاس دوبارہ بلا لیا، آج پارٹی کے نام کو حتمی شکل دینے سے متعلق حتمی فیصلہ کئے جانے کا امکان ہے۔تفصیلات کے مطابق سینئر سیاستدان جہانگیر ترین نے نئی سیاسی پارٹی کے قیام کے معاملے پر گروپ رہنماؤں کا مشاورتی اجلاس دوبارہ طلب کرلیا۔جہانگیر ترین کی گروپ رہنماؤں سے حتمی مشاورت جاری ہے، آج پارٹی کے نام اور اس کے اعلان سے متعلق حتمی فیصلہ کئے جانے کا امکان ہے۔جہانگیر ترین گروپ کے اراکین اور پی ٹی آئی چھوڑنے والے رہنماؤں کی جانب سے نئی پارٹی کیلئے 3 نام زیر غور ہیں، جس میں پاکستان ڈیموکریٹک پارٹی، عوام دوست پارٹی اور پاکستان انصاف پارٹی کے نام شامل ہیں۔واضح رہے کہ جہانگیر ترین موجودہ سیاسی حالات میں انتہائی سرگرم ہیں، وہ سینئر سیاستدان عبدالعلیم خان سمیت پاکستان تحریک انصاف چھوڑنے والے اہم رہنماؤں اور اراکین اسمبلی سے بھی ملاقاتیں کرچکے ہیں۔