لاہور(نامہ نگار)سیف سٹی اتھارٹی نے گریٹر اقبال پارک سے ملنے والے چار لاوارث بچوں کے ورثاء کا سراغ لگا لیاہے۔سیف سٹی کے لاسٹ اینڈ فائونڈ نمبر پر بچوں کے والد نے رابطہ کیا، لاسٹ اینڈ فانڈ سنٹر نے والد سے بچوں کی تصدیق کی اور متعلقہ پولیس آفیسر سے رابطہ کیا۔ سیف سٹی لاسٹ اینڈ فائونڈ سنٹر نے متعلقہ پولیس اور بچوں کے والد کا رابطہ کروا دیا، پولیس نے بچے چائلڈ پروٹیکشن بیورو کے حوالے کر دیئے تھے۔ بچوں کی والدہ سیالکوٹ سے لاہور آئی تھی اور بچے چھوڑ کر چلی گئی تھی، شوہر کے مطابق اس کی بیوی بھی گھر واپس نہیں آئی، میری بیوی پر جنات کا سایہ ہے،بچے چھوڑ کر وہ خود بھی لاپتہ ہوگئی ہے۔