پاکستان کی پہلی فٹبال لیگ میں زلمی فٹبال کلب کی فرنچائز ‘ ٹیم کی شمولیت 

لاہور(سپورٹس رپورٹر)پاکستان کے صف اول کی کرکٹ فرنچائز پشاور زلمی کے مالک جاوید آفریدی اور "زلمی وینچرز" کی فٹبال میں بھی گرینڈ انٹری ۔ چیئر مین زلمی فٹبال کلب جاوید آفریدی نے کہا کہ پاکستان کی پہلی فٹبال لیگ میں زلمی فٹبال کلب کی فرنچائز / ٹیم کی شمولیت کا اعلان کرتے ہوئے خوشی محسوس کررہا رہا ہوں۔ پاکستان فٹبال لیگ پاکستان میں فٹبال کے مستقبل کو تبدیل کرکے نئی بلندیوں پر لیجائے گی۔ زلمی فٹبال کلب خیبر پی کے اور پورے پاکستان میں فٹبال کے فروغ اور نیا ٹیلنٹ سامنے لانے میں بھرپور کردار ادا کریگا ۔ انٹرنیشنل فٹبال کلبز کے اشتراک سے پاکستان اور خصوصا خیبر پی کے میں گراس روٹ لیول پر فٹبال ٹیلنٹ کی تلاش اور کوچنگ پر کام کرینگے۔ زلمی فٹبال کلب کے حوالے سے جلد بڑے اعلانات کریں گے ۔ پاکستان کی پہلی فٹبال لیگ آج لاہور میں لانچ کی جارہی ہے۔سپینش فٹبال کلب اٹلیٹیکو میڈرڈ کے ارکان ، شہرہ آفاق فٹبالر مائیکل اوون، لیور پول کے مایہ ناز فٹبالر ایمیل ہیسکی اور پاسکل چمبونڈا پاکستان فٹبال لیگ کی افتتاحی تقریب میں شرکت کیلئے پاکستان پہنچے ہیں۔