لاہور(سپورٹس رپورٹر)پاکستان فٹبال لیگ نے انگلینڈ کے سابق عظیم فٹبالر مائیکل اوون کو لیگ کیلئے اپنا سفیر مقرر کرنے کا اعلان کردیا۔پاکستان فٹبال لیگ کیلئے سفیر مقرر کیے گئے مائیکل اوون نے کہا کہ پاکستان فٹبال لیگ کا حصہ بن کر بہت اچھا لگا، میں 2سال پہلے آیا تھا اور اندازہ نہیں تھا کہ یہاں فٹبال کے چاہنے والے بھی ہیں۔ پاکستان فٹبال لیگ کا آغاز کیا جارہا ہے اور ہمارا کام ہے اسے آگے لے کر چلیں، فٹبال لیگ کا مقصد ملک کی نمائندگی کے لیے ٹیلنٹ تلاش کرنا ہے۔