فیفا ورلڈ کپ کوالیفائرز ‘ سعودی عرب ‘تاجکستان کیخلاف قومی سکواڈ کا اعلان

 لاہور(سپورٹس رپورٹر)پاکستان فٹبال فیڈریشن نے فیفا ورلڈ کپ 2026 کے کوالیفائر راؤنڈ 2 کے سعودی عرب اور تاجکستان کیخلاف میچوں کے لیے حتمی سکواڈ کا اعلان کر دیا جس کے مطابق گول کیپر، یوسف بٹ، ثاقب حنیف، حسن علی، ڈیفنڈرز،عبداللہ اقبال، محمد فضل، حسیب خان، راؤ عمر حیات، مامون موسیٰ، محمد صدام، وقار احتشام، معین احمد، عبدالرحمان، مڈ فیلڈرز،راحس نبی، اوٹس خان، علی عزیر، عمیر علی، توقیر الحسن، عالمگیر غازی، علی ظفر فارورڈز،عمران کیانی، میکائیل عبداللہ، فرید اللہ، عدیل یونس اور شائق دوست شامل ہیں۔ پاکستان کا مقابلہ 6 جون کو اسلام آباد کے جناح سٹیڈیم میں سعودی عرب سے ہوگا جس کے بعد پاکستان 11 جون کو تاجکستان کیخلاف دوشنبہ میں مقابل ہوگا۔سعودی عرب کی ٹیم آج پاکستان پہنچے گی ۔