چیئرمین ہلال احمر سردار شاہد  لغاری کی سوئس سفیر جارج سٹینر سے ملاقات

 اسلام آباد( نامہ نگار ) پاکستان میں سویٹزرلینڈ کے سفیر جارج سٹینر نے ہلال احمر پاکستان کی قدرتی آفات و سانحات میں خدمات کو شاندار الفاظ میں سراہتے ہوئے کہا ہے کہ موسمیاتی تبدیلیوں سے تمام ممالک متاثر ہوئے ہیں مگر پاکستان بری طرح متاثر ہوا ہے اور ہو بھی رہا ہے۔سیلاب متاثرہ گھرانوں کی مدد کر کے ہلال احمر نے اپنے مینڈیٹ کا احترام کیا اور انسانیت کی بقا کے لیے فرض نبھایا۔ان خیالات کا اظہار انہوں نے ہلال احمر پاکستان کے چیئرمین سردار شاہد احمد لغاری سے ملاقات کے موقع پر کیا۔سوئس سفارت خانے میں ہونے والی ملاقات میں پاک سوئس تعلقات،باہمی تعاون کے علاہ موسمیاتی تبدیلیوں کے باعث انسانیت کو درپیش مسائل، مصائب سے متعلق تبادلہ خیال کیا گیا۔