کلر سیداں (نامہ نگار) سابقہ رنجش پر گولیاں مار کر 28سالہ شخص کو قتل کر دیا گیا۔قتل کا یہ واقعہ بلدیہ کلرسیداں کی وارڈ مہیر ہ سنگال میں پیش آیاجہاں مقتول حاشر بٹ اپنے بھائی کیساتھ مہیرہ سنگال اسٹاپ پر کھڑا تھا کہ اسی دوران کار میں سوار ایک نامعلوم شخص آیا جس نے حاشر بٹ کو گولیاں مار کر شدید زخمی کر دیا جسے ٹی ایچ کیو ہسپتال کلر سیداں لے جایا جا رہا تھا کہ وہ راستے میں ہی دم توڑ گیا۔واقعہ کی اطلاع ملتے ہی ایس ڈی پی او کہوٹہ مرزا طاہر اور ایس ایچ او انسپکٹر سجاد الحسن پولیس نفری کے ہمراہ ٹی ایچ کیو ہسپتال کلر سیداں پہنچ گئے۔مزید تفتیش جاری ہے۔